新居之一

 

new home
Posted by Picasa

數數手指, 搬入新居已經十日, 終於初步安頓下來, 不再出現深宵開罐頭才發現沒有罐頭刀, 雪櫃蛋格終於有番幾隻蛋的日子.

其實1年前在英國返港之際, 由於家境實在太狹小, 亦想有一些自已的空間, 已決定要另覓新居. 當時因為讀書後已一窮二白, 決定先儲點錢才再作打算.....誰知年中出現鄰居傻仔事件, 一拖再拖, 終於到11月的一個晚上, 赫然發現自已已回港一年, 做人不可以再這樣拖拉下去, 加上阿媽當時心情不錯, 終於立下決心, 睇樓盤家去也.

一位好友曾笑說, ' 以為鴨脷洲大街很大', 事緣我這名奄尖人士, 在睇租盤期間幾謂看盡一小條鴨脷洲大街於那2個月內所有合適樓盤, 朋友每每聽到我返工前或放假也在大街睇樓, 才引發起這句笑話. 聽罷那刻才想到, 難到我真是很奄尖.

睇樓的過程其實挺有趣, 亦令找這名樓市白癡學了一點點, 也對自已的認識多了些, 發現自已都幾多要求, 近年又開始變得三心兩意, 很多決定都不能一時間扑鎚, 而老人言 (指我父母) 真是要聽, 縱使我阿媽常有情緒性不合理意見, 整體兩老的人生經驗 (又或是對我的認知) , 確實有點幫助.

當然, 睇樓的過程又令我知曉到地產經紀是什麼類型的社群, 又常發言自已太老實, 不懂講價等等.

可幸的是, 踏破鐵鞋無覓處, 終於租到現時的單位, 說實在至今也甚為滿意....簽約後, 有時候想起突然可擁有2房1廳, 可以闊闊偌偌地居住 , 著實高興及偷笑了一段日子.....

開心過後, 接下來要為新居添置一些基本東西, 才發現自已30歲人唔知價, 那兩個星期除了行了不知多少次的宜家及家俬店/電器舖, 一時間變了 '夾價專家' , 想儘辦法如何 '慳家' 一些, 如何1千多元可以買到書枱+書櫃+衣櫃 (行餐死, 答案都是宜家, 沒法子) . 心急的我又要控制自已不要一次過買齊所有東西等, 又再度被我細妹狠批我為色盲云云.....

最攪笑的, 莫過未搬前有一晚回家之際, 竟然在樓下垃圾房 (是, 真的, 垃圾房) 發現有人丟棄了一件很實在的木櫃組件, 正適合我用來作電視櫃之用. 回想起來, 那刻的在垃圾房內仔細研究過木件的 '實淨度' , 終於決定 '出手' , 回家那刻覺得自已超白痴, 因為我很滿意那件木器, 覺得自已真係環保, 又毋須用幾舊用去買件所謂的電視櫃.

幾經努力新居只餘下梳化買了未送到, 可謂七七八八, 終於開始似番頭家.....(待續..)