妹妹

 

回港後空閒時間較多, 常在家中發呆, 跟我兩個妹妹見面及傾偈的時間也多了 (或許用 '較正常' 來形容會貼切一點). 自已偶爾都會覺得, 其實跟兩個妹一起不停說東說西及發癲, 其實真係好開心. (例子包括我會與大妹在尖沙咀街上, 不停唱阿旺主題曲), 也愈發覺得年紀大了, 自已開始懂得珍惜親情.....

在英國期間, 我細妹都愛將家裡寄來的包裏, 畫滿卡通, 不時我都會因此得到朋友的艷羨目光. 朋友們都覺得我與妹妹們感情很好.....每次我都會笑著說, 她們一定會 '不認同' , 因為我們由細到大永遠都會不停 '鬧' 對方, 由開飯, 掃地, 洗衫, 冼碗, 做功課到爭電話, 乜都鬧一餐, 有時更甚至大打出手. 擔當大家姐的我, 永遠都是擔當 '嚴肅' 的監察角色.....我會 '鬧' 她們花很多錢買衫剪頭髮, 她們即會投訴我的衣著品味及直斥我的壞脾氣. 跟妹妹談心事, 這種情況當然不會在我家出現.

離港一年, 發現常被我形容為 '無尾飛砣' 的妹妹, 原來比我想像中懂事及聽話, 又會發現自己平日在家中真的很霸道. 家人間的感情在過去一年反而好了. 返港後常被問及在英國一年的感受或得著..... 令我懂得珍惜屋企這一點, 反而是我自已也意想不到的收穫.